Mold CH7 1AA - 018614 (Cym)

Trosolwg

Rwy’n ysgrifennu i roi gwybod i chi ein bod yn newid y ffordd rydym yn rhedeg Swyddfa Bost Yr Wyddgrug.  O fis Tachwedd 2019 bydd y gangen yn cael ei rhedeg gan bartner masnachfraint annibynnol, sef ZCO Cyf, o’r adeilad presennol, lle bydd yn cynnig yr un dewis gwych o gynhyrchion a gwasanaethau.  Bydd yna oriau agor estynedig ar brynhawniau Sadwrn.

Ni fydd unrhyw newid i gynllun y gangen nes bod ein partner manwerth newydd yn adnewyddu’r adeilad y flwyddyn nesaf. Mae manylion ar y ddalen wybodaeth am y newidiadau y bwriedir eu gwneud. Pe bai raid cau dros dro am gyfnod, byddwn yn gosod posteri yn y gangen i roi gwybod i gwsmeriaid am Swyddfeydd Post eraill y gallant eu defnyddio yn y cyfamser.

Rydym yn gwneud y newid hwn er mwyn cadw gwasanaethau Swyddfa'r Post yn y lleoliad hwn.  Fe fyddwch yn gwybod am newidiadau digynsail ar ein strydoedd mawr a’r heriau sy’n wynebu llawer o fân-werthwyr.  Mae gofynion ein cwsmeriaid yn newid, hefyd. Ein blaenoriaeth yw darparu gwasanaethau diogel sydd yn fasnachol gynaliadwy ym mhob cymuned, er mwyn parhau i ateb gofynion cwsmeriaid yn awr ac yn y dyfodol. Credwn taw’r newidiadau sy’n cael eu wneud gennym yn Yr Wyddgrug yw’r ffordd orau o ddiogelu gwasanaethau Swyddfa'r Post yn y lleoliad hwn. Mae’r mwyafrif helaeth o’r 11,500 o ganghennau Swyddfa’r Bost, yn fach a mawr, yn cael eu rhedeg yn llwyddiannus eisoes gan ddeiliaid masnachfraint annibynnol.